eBay öz saytında qanunsuz narkotik hazırlamaq üçün istifadə edilən minlərlə maddələr satıb.  ABŞ bu ittihamlarla çıxış edərək şirkəti 59 milyon dollar cərimələyib.

Xəbər verilir ki, bu barədə ölkənin Ədliyyə Nazirliyi məlumat yayıb.

Açıqlamada deyilir ki, saytda satılan bu maddələr həqiqi narkotikdən fərqlənmir. İstehsal edilən dərmanların bəzilərində hətta fentanilin də olduğu deyilir.

Ədliyyə Departamentinin Baş prokurorunun müavini Vanita Qupta da bildirib ki, ölkədə fentanilin həddindən artıq dozada olması ölüm hallarının artmasının səbəb olub.

ABŞ Xəstəliklərə Nəzarət və Qarşısının Alınması Mərkəzinin (CDC) məlumatına görə, ABŞ-da fentanil kimi sintetik dərmanlara görə hər gün 150-dən çox insan ölür.

Aftafa.tv